Ölüm təhlükəsi saçan avtoxuliqan belə saxlanıldı

Paytaxt ərazisində avtoxuliqanlıq edən sürücünün yol polisi tərəfindən saxlanılmasını əks etdirən görüntülər yayılıb.

Videodan 3 yol polisi avtomobilinin maşını təqib etməsi və ara məhəllələrin birində yaxalaması məlum olur. Çıxış yolu olmayan sürücü müqavimət göstərə bilmir.

Avtomobilin sürücüsünə “saxla” işarəsi verilsə də, o, məhəl qoymayaraq Heydər Əliyev prospektində nəqliyyat axınına əks istiqamətdə hərəkətini davam etdirib.

Saxlanıldıqdan sonra müayinə zamanı sürücü Elşən Qanbayevin narkotik vasitə qəbul etdiyi müəyyən olunub.

Məhkəmənin qərarı ilə Elşən Qanbayevin sürücülük hüququ 1 il müddətinə məhdudlaşdırılıb və 15 sutka inzibati qaydada həbs edilib.