Polisə odlu silahla müavimət göstərildi

Gəncədə kafeyə qumbara atan şəxs Bakıda zərərsizləşdirilib. Bu barədə DİN-dən bildirilib.

Qeyd edilib ki, mayın 20-də naməlum şəxs Gəncədəki kafelərdən birinə qumbara ataraq bir neçə nəfərin xəsarət alması və kafeyə ciddi maddi ziyan dəyməsi ilə nəticələnən cinayət hadisəsi törədib.

Polis əməkdaşları tərəfindən keçirilən əməliyyat-axtarış tədbirləri nəticəsində həmin şəxsin törətdiyi müxtəlif cinayətlərə görə əvvəllər dəfələrlə məhkum olunmuş Gəncə şəhər sakini Elmir Nağıyev olması və onun Bakı şəhərindəki mənzillərdən birində gizləndiyi müəyyən olunub.

E.Nağıyev saxlanılarkən polis əməkdaşlarına qarşı odlu silahla müqavimət göstərib. Bundan sonra polis əməkdaşları tərəfindən silah tətbiq edilib, nəticədə E.Nağıyev zərərsizləşdirilib.

Hadisə yerindən 1 ədəd əl qumbarası və tapança götürülüb. Hazırda əməliyyat-istintaq tədbirləri davam etdirilir.