Polşada itkin düşən azərbaycanlının cansız bədəni aşkarlandı

Polşada iki aylıq övladı ilə birgə itkin düşən azərbaycanlı qadının meyiti çayda aşkar edilib.

Bu barədə Polşa mətbuatı məlumat yayıb.

İtkin düşən soydaşımız Adilə Mehdiyevanın cansız bədəni Oder çayından tapılıb. Cəsəd tanınmaz haldadır və onun mərhuma aid olması yalnız geyimindən müəyyənləşib. Körpənin taleyi haqqında isə məlumat yoxdur.

Qeyd edək ki, Adilə Mehdiyeva 2023-cü il dekabrın 17-də iki aylıq körpəsi ilə birlikdə itkin düşüb. O, həmin tarixdə Vroslavda Sikorsky küçəsindəki mənzilini tərk edib və geri qayıtmayıb.