Hadisə
Pleyeri seçin:
Qax sakinini hovuzu təmizləyərkən ilan sancdı
69 yaşlı Vaqif Aydınovu öz həyətindəki su hovuzunu təmizləyərkən ilan sancıb.
Hadisə Qaxın Ləkit kəndində baş verib. Zərərçəkən dərhal Rayon Mərkəzi Xəstəxanasına çatdırılıb. Sancma yeri sağ əlinin ikinci barmağı olan V.Aydınovun vəziyyəti orta-ağır kimi qiymətləndirilir.
V.Aydınovun həyat yoldaşının sözlərinə görə, ilanı hovuzda ilk olaraq oğlu görüb və onu uzaqlaşdırması üçün atasını çağırıb: “Yoldaşım ilanı hovuzdan kənarlaşdırmaq istəyib. Ani bir ehtiyatsızlıq nəticəsində ilan onu sancıb”.
Qeyd edək ki, hazırda həkim nəzarətində olan xəstəyə ilan zəhəri əleyhinə zərdab vurulub, müalicəsi Qax Rayon Mərkəzi Xəstəxanasının reanimasiya şöbəsində davam etdirilir.
Kopyalandı
Seçilmişlər
