Qəza anından əvvəl nə baş verib? | Ölənlərin sayı daha çox ola bilərdi

Qazaxıstanın Aktau şəhəri yaxınlığında qəzaya uğrayan AZAL-ın sərnişin təyyarəsi ilə bağlı ilkin araşdırmalar başlayıb.

Hadisə ilə bağlı ən çox diqqətçəkən iddialardan biri təyyarənin quş sürüsü ilə toqquşmasıdır. Təyyarənin mühərriklərində yaranan texniki nasazlığın bu səbəbdən baş verdiyi ehtimal olunur.

Hadisə şahidlərinin Qazaxıstanın ORDA saytına verdiyi məlumata görə, qəzadan əvvəl təyyarə heyəti hava gəmisini yaşayış binalarından uzaqlaşdıra bilib.

Nəşrin məlumatına görə, pilotlar qəzalı vəziyyətdə olan təyyarəni Sayın kəndindən uzaqlaşdırmağı bacarıblar.

“Ekipaj ustalıqla təyyarəni kənar əraziyə çəkə bildi. Əks halda qurbanlar daha çox ola bilərdi”, – nəşrin həmsöhbətləri bildiriblər.

Nəşr yazır ki, Sayın kəndi qəza yerinə yaxındır. 2009-cu ilə olan məlumata görə, orada 1,3 min nəfər yaşayır.