Qonşu ölkədən Azərbaycana elə şey göndərildi ki... | DTX və DSX-dən təcili əməliyyat

Dövlət Təhlükəsizliyi Xidməti və Dövlət Sərhəd Xidmətinin birgə keçirdiyi əməliyyat tədbirləri nəticəsində külli miqdarda narkotik vasitənin ölkə ərazisinə keçirilməsinin qarşısı alınıb.

Bu barədə Dövlət Sərhəd Xidmətinin Mətbuat Mərkəzindən məlumat verilib.

Bildirilib ki, “Horadiz” sərhəd dəstəsinin xidməti ərazisində İrandan Azərbaycan istiqamətində hərəkət edən naməlum uçuş aparatı müşahidə edilib. Uçuş aparatının görülən tədbirlər nəticəsində saxlanılması təmin edilib.

Üzərinə bərkidilən bağlamaya baxış zamanı ümumi çəkisi 19 kiloqram 700 qram narkotik vasitə marixuana və 1500 ədəd “Metadon M-40” həbi aşkar edilib. Fakt üzrə əməliyyat-istintaq tədbirləri davam etdirilir.