"Qonşular şokdadır" | Atadan oğluna qarşı tükürpərdən əməl | Baku TV hadisə yerində - Baku TV

Sumqayıt şəhərinin Hacı Zeynalabdin Tağıyev qəsəbəsində ailə münaqişəsi zəminində bıçaqlanma hadisəsi baş verib.

Hadisə qəsəbənin Dədə Qorqud küçəsində yerləşən fərdi yaşayış evlərindən birində qeydə alınıb.

Məlumata görə, 71 yaşlı Nadir Novruzov aralarında yaranan mübahisə zamanı 28 yaşlı oğlu Təhmasib Novruzova bıçaqla xəsarət yetirib. Yaralı qarının ön divarının kəsilmiş-deşilmiş yarası diaqnozu ilə xəstəxanaya yerləşdirilib. Ona ilkin tibbi yardım göstərilib. Hazırda Təhmasib Novruzovun vəziyyəti orta ağır qiymətləndirilir.

Hadisəni törətməkdə şübhəli bilinən 71 yaşlı Nadir Novruzov polis əməkdaşları tərəfindən saxlanılıb.

Qonşuların sözlərinə görə, ailə ərazidə sakit və mehriban ailə kimi tanınıb. Onlar bildiriblər ki, hadisənin baş verməsinə səbəb Təhmasib Novruzovun evə gec saatlarda gəlməsi ilə bağlı atası ilə yaranan mübahisə olub. İddialara görə, Nadir Novruzov bu məsələyə görə oğluna dəfələrlə irad bildirib.

Faktla bağlı Sumqayıt Şəhər Polis İdarəsində araşdırma aparılır.