Qusarda mikroavtobus yoldan çıxaraq dərəyə aşdı

Qusarda sərnişin dolu mikroavtobus dərəyə aşıb. Hadisə rayonun Avaran kəndi ərazisində baş verib.

Qəza zamanı 6 nəfər xəsarət alıb. Onlar Qusar rayon Xurel kənd sakinləri Liana Mikayılova, Lamunat Bədəlova, Milyanə Şıxzadayeva, Ruslan Əmiraslanov, Oksana Beydiyeva və Aysel Cavadovadır.

TƏBİB-dən bildirilib ki, qəza nəticəsində xəsarət alan altı nəfər (bir kişi, beş qadın olmaqla) Qusar Rayon Mərkəzi Xəstəxanasına yerləşdirilib. Xəsarət alanlardan dördünün vəziyyəti yüngül olduğu üçün lazımi yardım göstərildikdən sonra evə buraxılıb. İki nəfərin müalicəsi isə davam etdirilir.

Qeyd edək ki, qəzaya uğrayan marşrut avtobusu Qusar-Xurel xətti üzrə hərəkət edir. İlkin ehtimala görə, qəzaya səbəb kimi havanın dumanlı olması göstərilir.