Salyanda faciəvi qəza | “Moskvaya yola salmağa gedirmişlər...” - Baku TV

Salyan rayonunda ağır yol-nəqliyyat hadisəsi baş verib.

Qəza rayonun Noxudlu kəndi ərazisindən keçən avtomobil yolunda qeydə alınıb.

Hərəkətdə olan iki “Mercedes” markalı minik avtomobilinin toqquşması faciə ilə nəticələnib.

Hadisə nəticəsində Sabirabad rayon sakinləri – 61 yaşlı Vüqar İmanov və 32 yaşlı Coşqun Məmmədov aldıqları ağır xəsarətlərdən hadisə yerində həyatlarını itiriblər. Vüqar İmanovun oğlu – 32 yaşlı Tərlan İmanov xəstəxanada dünyasını dəyişib.

Qəza zamanı daha üç nəfər müxtəlif dərəcəli bədən xəsarətləri alıb. Yaralılar Sabirabad rayon sakinləri – 31 yaşlı Mirzağa Məmmədov, onun həyat yoldaşı 33 yaşlı Pərvanə Məmmədova və qızları 15 yaşlı Fatimə Məmmədlidir.

“Zəng etdilər ki, qonşun qəzaya düşüb. Üç balası yetim qaldı. Mirzağanın dayısı nəvəsi Moskvaya qayıdırdı. Onu yola salmağa gedirdilər, başlarına bu iş gəldi”, – deyə qəzaya düşənlərin yaxını hadisə ilə bağlı danışarkən bildirib.

Faktla bağlı müvafiq qurumlar tərəfindən araşdırma aparılır.