Hadisə
Pleyeri seçin:
Şamaxıda dəhşətli qətl hadisəsi baş verib
Şamaxıda qətl törədilib. Hadisə rayonun Mədrəsə qəsəbəsində qeydə alınıb.
Rayon sakini, 18 yaşlı Hacıyev Ramin Zaur oğlunun iplə boğularaq qətlə yetirilməsi barədə polisə məlumat daxil olub. Müəyyən edilib ki, Ramin Hacıyevi öz əmisi oğlu, 29 yaşlı Hacıyev Tural Mahir oğlu qətlə yetirilib.
Yaxınlarının verdiyi məlumata görə, Mədrəsə qəsəbəsində yaşayan Tural Şamaxı şəhər sakini olan Ramini öz evinə çağırıb. Elə hadisə də onun evində qeydə alınıb. Aralarında şəxsi münasibətlər zəminində yaranan mübahisə zamanı Tural öz doğma əmisi oğlunu boğaraq qətlə yetirib.
Cinayət əməlini törətməkdə şübhəli bilinən Tural Hacıyev polis əməkdaşları tərəfindən saxlanılıb. Hadisənin qısqanclıq zəminində baş verdiyi ehtimal edilir. Faktla bağlı Şamaxı Rayon Prokurorluğunda araşdırma aparılır.
Kopyalandı
Seçilmişlər
