SOCAR-ın maşınına kim atəş açdı? | Silahlı insident barədə təcili məlumat

Gürcüstanın Şida Kartli bölgəsinin Kareli rayonunda Azərbaycanın SOCAR şirkətinə məxsus avtomobilə silahlı hücum olub.

“Report”un Gürcüstan bürosu xəbər verir ki, hadisə hakim “Gürcü Arzusu” partiyasının ofisinin yaxınlığında qeydə alınıb.

İlkin məlumatlara əsasən, insident zamanı xəsarət alan olmayıb. Detallar məlum deyil.

Gürcüstan Daxili İşlər Nazirliyi insidentlə bağlı istintaqa başladığını açıqlayıb. Məlumata görə, hüquq-mühafizə orqanlarının əməkdaşları hadisə ilə bağlı bir nəfəri saxlayıblar.

Qeyd edək ki, “SOCAR Energy Georgia”nın tərkibində “SOCAR Georgia Gas”, “SOCAR Georgia Petroleum” və “SOCAR Georgia Security” adlı törəmə şirkətlər mövcuddur. “SOCAR Georgia Gas” Gürcüstan üzrə genişmiqyaslı qazlaşdırma proqramı həyata keçirib. Təxminən 915 000-dən çox istehlakçının qazla təmin edilməsi mümkün olub.

“SOCAR Georgia Petroleum” neft məhsullarının topdansatış və pərakəndə satışını həyata keçirir, 103-dən çox yanacaqdoldurma məntəqəsini və həmin məntəqələrin ərazisində yerləşən mağazalar şəbəkəsini idarə edir.