Son dəqiqə | Bakıda baş verən dəhşətli avtobus qəzası barədə detallar - Baku TV

Bakının Xəzər rayonunun Binə qəsəbəsində iki sərnişin avtobusunun toqquşması nəticəsində 22 nəfər xəsarət alıb.

Qəza səhər saatlarında 160 nömrəli marşrut xətti üzrə hərəkət edən “Isuzu” markalı avtobusla “Hyundai” markalı avtobusun toqquşması nəticəsində baş verib.

Yaralılardan 13 nəfər Sabunçu Tibb Mərkəzinə, 9 nəfər isə Kliniki Tibbi Mərkəzə çatdırılıb.

Sabunçu Tibb Mərkəzinə yerləşdirilən 1972-ci il təvəllüdlü qadının vəziyyəti orta ağır qiymətləndirilir. Onun müalicəsi Reanimasiya şöbəsində davam etdirilir. Digər 12 nəfərin vəziyyəti qənaətbəxş qiymətləndirildiyindən onlara zəruri tibbi yardım göstərilib və ambulator müalicə üçün evə buraxılıblar.

Kliniki Tibbi Mərkəzə yerləşdirilən şəxslərə bədənin müxtəlif nahiyələrinin müştərək travmaları diaqnozu qoyulub və zəruri tibbi xidmətlər göstərilib. Vəziyyətləri stabil qiymətləndirilən pasiyentlərin müalicəsi Təcili tibbi yardım şöbəsində davam etdirilir.

Faktla bağlı araşdırma aparılır.