Pleyeri seçin:
Sumqayıtda baş verən hadisə barədə FHN-dən açıqlama
Sumqayıt şəhərində kişi avtomobildə yanaraq ölüb.
Hadisə şəhərin Kimyaçılar qəsəbəsində qeydə alınıb.
Avtomobilin sahibi Rusif Nəzərov maşındakı şəxsi tanımadığını bildirib:
“Səhər tezdən səs-küyə çıxdıq. Sən demə, maşın yanıb, evə də keçib. Yanğını söndürəndə gördük ki, içində kimsə var”.
Fövqəladə Hallar Nazirliyindən verilən xəbərə görə, KIA markalı minik avtomobilinin mühərrik hissəsi və salonu yanıb.
Yanğın yerinin kəşfiyyatı zamanı 1 nəfərin yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib. Avtomobilin qalan hissəsi yanğından mühafizə olunub.
Kopyalandı
