Sumqayıtda bir ailənin 5 üzvü dəm qazından zəhərləndi

Sumqayıtda dəm qazının sızması nəticəsində bir ailənin 5 üzvü zəhərlənib.

Hadisə şəhərin Ceyranbatan qəsəbəsi, “BTZ” bağları adlanan yaşayış massivində qeydə alınıb.

Sumqayıt Tibb Mərkəzindən bildirilib ki, onlardan bir nəfərin 1958-ci il təvəllüdlü (kişi cinsli) şəxsin həkiməqədər ölümü qeydə alınıb:

“İkisi böyük olmaqla – 1958, 1999-cu il (qadın cinsli) təvəllüdlü şəxslər karbon oksidin (dəm qazının) toksiki təsiri diaqnozu ilə Təcili Tibbi Yardım Xəstəxanasına yerləşdiriliblər. Vəziyyətləri ağır olaraq qiymətləndirilir. Eyni diaqnozla 2020, 2022-ci il təvəllüdlü azyaşlılar (qadın cinsli) isə Uşaq Xəstəxanasına yerləşdiriliblər. Vəziyyətləri orta ağır qiymətləndirilir”.