Hadisə
Pleyeri seçin:
Sumqayıtda qızının qətlində ittiham edilən ata hakim qarşısında
Sumqayıtda azyaşlı qızını öldürməkdə təqsirləndirilən Ahmet Turan Yeşilin cinayət işi üzrə ibtidai istintaq başa çatıb.
Məlumata görə, iş üzrə toplanan materiallar məhkəmə istintaqında araşdırılması üçün Sumqayıt Ağır Cinayətlər Məhkəməsinə göndərilib.
Cinayət işi hakim Rəşad Əliyevin sədrliyi ilə keçirilən proseslərdə araşdırılacaq. Məhkəmənin hazırlıq iclası avqustun 13-də keçiriləcək.
Qeyd edək ki, 1984-cü il təvəllüdlü Yeşil Ahmet Turan Sumqayıt şəhəri, Zeynalabdin Tağıyev qəsəbəsi ərazisində 1 yaş 4 aylıq qızını suda boğaraq qəsdən öldürməkdə təqsirləndirilir. Ona qarşı Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə) maddəsi ilə ittiham irəli sürülüb.
Kopyalandı
Seçilmişlər
