Suraxanıda faciəvi hadisə | Qonşu hər şeyi danışdı

Suraxanı rayonunda yaşayış binasında ölümlə nəticələnən dəhşətli yanğın hadisəsi baş verib. "Baku TV"-nin hadisə yerindən verdiyi məlumata görə, Cəlal Qurbanov küçəsində yerləşən mənzillərdən birində qaz sızması nəticəsində güclü partlayış qeydə alınıb. Hadisə nəticəsində mənzilin böyük hissəsi tamamilə yanaraq yararsız hala düşüb. Fövqəladə Hallar Nazirliyinin yanğınsöndürənləri dərhal əraziyə cəlb olunsa da, mənzildə bir nəfərin yanmış meyiti aşkar edilib.

Faciənin şahidi olan qonşular "Baku TV" əməkdaşlarına hadisə anını və partlayışın gücünü ətraflı şəkildə danışıblar. Onların sözlərinə görə, hadisə gözlənilmədən baş verib və alov qısa müddətdə bütün evi bürüyüb. Hazırda hadisə yerində hüquq-mühafizə orqanları tərəfindən araşdırma aparılır, yanğının dəqiq səbəbləri müəyyənləşdirilir. Suraxanıdakı bu qanlı hadisənin təfərrüatları və hadisə yerindən eksklüziv kadrlar bizim süjetimizdə.