Sürücü sükan arxasında həyatını itirdi | Goranboyda bədbəxt hadisə

Goranboyda ağır yol-nəqliyyat qəzası baş verib.

Bu barədə Baş Dövlət Yol Polisi İdarəsi məlumat yayıb.

Bildirilib ki, rayonun Goran qəsəbəsi ərazisində Bərdə sakini Çingiz Kazımov sürücülük hüququ olmayan tanışına məxsus avtomobili idarə edərkən səhhətində yaranan problem səbəbindən həyatını itirib. Avtomobil isə yolun kənarında dayanan digər maşınla toqquşub.

Baş Dövlət Yol Polisi İdarəsi bu cür faktların sayının artmaması üçün bir daha səhhətində ciddi problemlər olan sürücülərə müraciət edərək onlardan yaşanmış acı təcrübədən düzgün nəticə çıxarmağı, özlərinin və digər yol hərəkət iştirakçılarının həyat və sağlamlığına biganə qalmamağı xahiş edir.