Sürücülərə xəbərdarlıq | Bakı-Şamaxı yolunda 2 maşının toqquşma anı

Şaxtalı hava şəraiti ilə əlaqədar Bakı-Şamaxı yolunda çətin vəziyyət davam edir.

Yolun buz bağlaması qəzaları qaçılmaz edib.

Hərəkətin iflic olması nəticəsində “Opel” və KIA markalı avtomobillər toqquşub.

Azərbaycan Avtomobil Yolları Dövlət Agentliyinin Mətbuat Xidmətindən bildirilib ki, sözügedən ərazidə agentliyin xüsusi texnikaları növbə çəkir. Hər hansı problem olduqda dərhal müdaxilə olunur:

“Sürücülər nəzərə alsınlar ki, gecə və səhər saatlarında mənfi temperatur qeydə alındığı üçün yollarda buzlaşma ola bilər. Bu səbəbdən nəqliyyat vasitələri yola hazırlıqlı olmalı, qış fəslinə uyğun şinlərdən istifadə edilməlidir”.

Qeyd edək ki, sözügedən yolda yanvarın 30-da da bir neçə avtomobilin iştirakı ilə qəza baş verib.