Tanışların davası qanla bitdi | Qonşular danışmağa çəkinsələr də, bildirdilər ki...

Sumqayıtda tanışların mübahisəsi qanla nəticələnib.

Hadisə şəhərin 4-cü mikrorayonunda qeydə alınıb. 38 yaşlı Ramil Hüseynov əvvəlcə 29 yaşlı Fariz Məmmədovla mübahisə edib, daha sonra ona bıçaqla xəsarət yetirib.

Yaralı dərhal Sumqayıt Şəhər Təcili Tibbi Yardım Xəstəxanasına çatdırılıb.

Sumqayıt Tibb Mərkəzindən verilən məlumata görə, pasiyentə tibbi yardım göstərildikdən sonra vəziyyəti stabil olaraq qiymətləndirilib, ambulator müalicəyə buraxılıb.

Daxili İşlər Nazirliyindən bildirilib ki, əməli törətməkdə şübhəli bilinən 1986-cı il təvəllüdlü Ramil Hüseynov polis əməkdaşları tərəfindən saxlanılıb. Araşdırma aparılır.