Tərtərdə minaya düşən gəncin son durumu ilə bağlı həkimdən açıqlama

Tərtər rayonunun Qızıloba kənd ərazisində baş vermiş mina partlayışı nəticəsində yaralanan 2001-ci il təvəllüdlü Həsənəli Şahin oğlu Əlizadə Bərdə Rayon Mərkəzi Xəstəxanasına yerləşdirilib.

Xəstəxanadan bildirilib ki, yaralıya partlayış travması, sağ aşağı ətrafın çoxsaylı qəlpə yaralanması, sol aşağı ətrafın aşıq baldır oynağı səviyyəsində travmatik amputasiyası diaqnozu qoyulub. Xəstənin vəziyyəti ağır olaraq qiymətləndirilir.