Tiktoker "Beniz" ev dustaqlığına buraxıldı? | Məhkəmə prosesinin detalları

"Beniz" ləqəbli məşhur tiktoker Aybəniz Xəlilovanın cinayət işi üzrə ilk məhkəmə baxış iclası keçirilib.

Bakı Ağır Cinayətlər Məhkəməsinin hakimi Fəxri Məmmədovun sədrliyi ilə baş tutan prosesdə cinayət işinin məhkəmə istintaqına verilməsi ilə bağlı qərar qəbul edilib.

Aybəniz Xəlilovanın vəkili müvəkkili barədə seçilmiş həbs qətimkan tədbirinin ev dustaqlığı ilə əvəz edilməsi ilə bağlı məhkəməyə vəsatət təqdim edib.

Prokuror isə vəsatətin əsassız olduğunu bildirərək hakimlər kollegiyasına onun təmin olunmamasını təklif edib. Məhkəmə vəsatəti təmin etməyib. Növbəti proses iyunun 17-nə təyin edilib.

Qeyd edək ki, "Beniz" ləqəbli tiktoker barəsində sevgili olduğu Xalid Kərimov Suraxanı Rayon Polis İdarəsinə şikayət edib və tiktoker barəsində şikayətçinin təqdim etdiyi sübutlar əsasında Cinayət Məcəlləsinin 182.2.2 və 182.2.4-cü ‒ hədə-qorxu ilə tələb etmə maddələri ilə cinayət işi başlanılıb. Şikayətçi ərizəsində göstərib ki, Aybəniz Xəlilova ondan hissə-hissə olmaqla 836 min manat pulu hədə-qorxu gələrək alıb.