Türkiyədə 1 gündə 2 faciə

Martın 30-na keçən gecə Türkiyənin Ərzincan şəhərinin Kızıldağ ərazisində sərnişin avtobusu aşıb. Nəticədə 2 nəfər ölüb, 21 nəfər isə xəsarət alıb.

Hadisə yerinə dərhal təcili tibbi yardım briqadası və xilasedicilər cəlb olunub. Bildirilib ki, nəqliyyat vasitəsi Ərzincan-Sivas marşrutu üzrə hərəkət edirdi. Avtobusun qəzaya uğramasının əlverişsiz hava şəraiti səbəbindən baş verdiyi güman edilir.

Qeyd edək ki, qarlı hava həmin gün ölkənin Yozqat şəhərinin Yerköy rayonunda da sərnişin avtobusunun aşmasına səbəb olub. Yol-nəqliyyat hadisəsi nəticəsində 1 nəfər ölüb, 25 nəfər isə xəsarət alıb. Faktla bağlı araşdırma aparılır.