Hadisə
Pleyeri seçin:
Vəzifəli şəxslər həbs olundu | Nazirlikdə baş verənlər barədə məlumat
Müdafiə Nazirliyində 143 milyon manatlıq mənimsəmə faktı ilə bağlı müxtəlif hərbi hissələrdə çalışmış daha iki maliyyə xidmət rəisi həbs edilib.
“Unikal”ın məlumatına görə, Dövlət Təhlükəsizliyi Xidmətində davam edən cinayət işi çərçivəsində müxtəlif hərbi hissələrdə maliyyə xidmət rəisi vəzifəsində çalışmış Cəbrayıl Orucov və Vahid Novruzlu təqsirləndirilən şəxs qismində cəlb ediliblər. Onların hər ikisi barəsində Cinayət Məcəlləsinin xüsusilə külli miqdarda mənimsəmə maddəsi ilə ittiham verilib.
DTX-nin İstintaq Baş İdarəsi sabiq maliyyə xidmət rəisləri barəsində həbs qətimkan tədbirinin seçilməsi ilə bağlı məhkəməyə vəsatət verib. Bakı Hərbi Məhkəməsi hər iki şəxs barəsində 4 ay həbs qətimkan tədbiri seçib.
İstintaqı və məhkəmə baxışı davam edən işlər üzrə dövlət büdcəsinə dəymiş ziyanı hazıradək ödəmədikləri üçün hər iki şəxs barəsində hüquqi məsuliyyət tədbirlərinin görüldüyü məlum olub.
Kopyalandı
Seçilmişlər
