Xəstədirsə, məni də vurardı da... | Bərdədəki dəhşətli qətlin detalları

Bərdənin Kələntərli kəndində dəhşətli hadisə baş verib.

Kənd sakini Azər İbrahimov qardaşı arvadını balta ilə qətlə yetirib. Onun epilepsiya xəstəsi olduğu bildirilir.

Baş Prokurorluq qadının qaynı tərəfindən qətlə yetirilməsi faktı ilə bağlı məlumat yayıb.

Bildirilib ki, avqustun 5-də saat 08:00 radələrində Bərdə rayonu, Kələntərli kəndi ərazisində 1991-ci il təvəllüdlü Sədaqət İbrahimovanın öldürülməsi barədə rayon prokurorluğuna məlumat daxil olub.

Araşdırmalarla 1995-ci il təvəllüdlü Azər İbrahimovun aralarında yaranmış mübahisə zamanı qardaşı arvadı Sədaqət İbrahimovaya kəsici alətlə xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı Bərdə rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.

Azər İbrahimov iş üzrə şübhəli şəxs qismində tutulub.