Xəzərdə qayıq çevrildi: balıqçılardan biri xilas edildi, digəri isə axtarılır

Xəzər dənizində bədbəxt hadisə baş verib.

Hadisə Xaçmazın İstisu qəsəbəsinin yaxınlığında qeydə alınıb.

Belə ki, Şabran sakinlərinin olduğu balıqçı qayığı çevrilib. Nəticədə dənizə düşən balıqçılardan biri – Mehrac Məmmədtağıyev son anda xilas olsa da, Xələf Hüseynov suda boğulub.

X.Hüseynovun qardaşı bildirib ki, 61 yaşlı balıqçının axtarışları davam edir.

Əraziyə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin Şimal dalğıc-axtarış qrupunun əməkdaşları cəlb olunub.