Xocavənddə fəhlələri daşıyan mikroavtobus aşdı | Yaralananlar var

Xocavənd rayonunda fəhlələri daşıyan mikroavtobus aşıb, yaralılar var.

Hadisə rayonun Cəmiyyət kəndində qeydə alınıb. Belə ki, sərnişin mikroavtobusunun əyləc sistemində yaranan nasazlıq səbəbindən sürücü idarəetməni itirib.

Hadisə ilə bağlı Daxili İşlər Nazirliyinin Mətbuat xidməti məlumat yayıb. Bildirilib ki, yol-nəqliyyat hadisəsi zaman doqquz nəfər müxtəlif dərəcəli bədən xəsarəti alıb. Yaralılar xəstəxanaya çatdırılıb.

Qeyd edək ki, mikroavtobusda ümumilikdə 17 nəfər olub. Faktla bağlı Xocavənd Rayon Polis Şöbəsində araşdırma aparılır.