Yasamalda oğurladığı mobil telefonu satan şəxs saxlanıldı

Paytaxtın Yasamal rayonunda vətəndaşlardan birinə məxsus avtomobilin şüşəsini qıraraq içərisindən mobil telefon oğurlandığı barədə polisə məlumat daxil olub.

Polis əməkdaşları tərəfindən hadisəni törədən, əvvəllər məhkum olunmuş 1998-ci il təvəllüdlü Vüsal Mirzəyev saxlanılıb.

Onun törətdiyi əməl təhlükəsizlik kameraları vasitəsilə qeydə alınıb. Təqsirləndirilən şəxs dindirilmə zamanı oğurladığı mobil telefonu satdığını bildirib.

Qeyd olunan fakt üzrə araşdırma aparılır.