Yataqxanadakı yanğının təfərrüatı məlum olub

Sumqayıt Dövlət Texniki Kollecinin həyətində yerləşən yataqxanada yanğın başlayıb.

Sakin Sakit Hüseynov bildirib ki, dünən axşam saat 22:00 radələrində binada işıqlar sönüb və bir neçə dəqiqə sonra partlayış səsi eşidilib. Bundan sonra yanğın başlayıb.

Məlumatla əlaqədar dərhal əraziyə Fövqəladə Hallar Nazirliyinin Dövlət Yanğından Mühafizə Xidməti və Sumqayıt Regional Mərkəzinin qüvvələri cəlb edilib.

FHN-dən bildirilib ki, yanğın binanın dam örtüyünü əhatə edib və ikinci mərtəbədəki mənzillərə ziyan dəyib:

“İlkin olaraq binadakı sakinlər təxliyə edilib. Xəsarət alan olmayıb. Hazırda ərazidə yanğın söndürülüb. Soyutma işləri davam etdirilir”.