Zaqatalada xurma qurutma müəssisəsi yandı

Zaqatala rayonunun Muxax kəndində yerləşən xurma istehsalı sexində yanğın hadisəsi baş verib.

Kənd sakini Vidadi Yusifova məxsus xurma istehsalı sexində yanğınla bağlı məlumat daxil olduqdan dərhal sonra hadisə yerinə Fövqəladə Hallar Nazirliyinin Zaqatala Rayon Dövlət Yanğından Mühafizə Hissəsinin yanğınsöndürən texnikaları və şəxsi heyəti cəlb olunub.

Yanğın nəticəsində sexin yanar konstruksiyaları, istehsal sahəsində olan xurmanın bir hissəsi, eləcə də daşınma məqsədilə istifadə olunan odun və plastik tara materiallarının xeyli qismi yanıb.

Yanğınsöndürənlərin operativ müdaxiləsi sayəsində alovun ətraf ərazilərə yayılmasının qarşısı alınıb və yanğın qısa müddətdə məhdudlaşdırılıb.

Hadisə zamanı xəsarət alan olmayıb. Faktla bağlı aidiyyəti qurumlar tərəfindən araşdırma aparılır.