Zərdabda dəhşət: 22 yaşlı qızı qaçıran şəxslər saxlanıldı
Sentyabrın 9-da Zərdabın Məmmədqasımlı kəndində 22 yaşlı qız qaçırılıb.
Polis əməkdaşlarının keçirdiyi tədbirlər nəticəsində elə həmin gün qaçırılan şəxsin yeri müəyyən edilərək valideynlərinə təhvil verilib. Adam oğurluğunda şübhəli bilinən 27 yaşlı İzzət Rəhmanoğlu isə cinayət məsuliyyətinə cəlb olunub.
Qaçırılan qızın anası hadisə ilə bağlı açıqlamasında bunları deyib:
“Mən aşağıda idim, birdən qışqırıq səsi gəldi. Elə bildim ki, kimsə dalaşır. Sonra qızım “ay ana, məni apardılar” deyə qışqırdı. Qızı sürüyə-sürüyə aparırdılar”.
Qeyd edək ki, sentyabrın 11-də İzzət Rəhmanoğlunun anası, qardaşı və qızın bacısı da şübhəli şəxs qismində saxlanılıb. Hər üç şəxs cinayət məsuliyyətinə cəlb edilib.
Faktla bağlı Rayon Polis Şöbəsində araşdırma aparılır.
#Zərdab rayonu teqi istifadə olunub
- Prezident İlham Əliyev sərəncam imzaladı
- Zərdabda erkən evliliyə görə cərimə olunan bəyin atası danışdı | ”Bilmirdim ki, 18 yaşına çatmamış…”
- Zərdabda erkən evliliyin qarşısı alındı | Cərimə olunanlar var
- Zərdabda 5 yaşayış məntəqəsini birləşdirən avtomobil yolu yenidən qurulur
- Qıza deyib, müəllimə deyərsən ki, Saray getdi... | Kürdə yeniyetmənin meyiti tapıldı
