Pleyeri seçin:
2023-cü ilin ən yaxşı gənc futbolçusunun adı məlumdur
Beynəlxalq Futbol Tarixi və Statistikaları Federasiyası 2023-cü ilin ən yaxşı gənc oyunçusunu açıqlayıb.
Qurumun versiyasına görə, bu ada İngiltərə millisinin və “Real Madrid”in gənc ulduzu Cud Bellingem layiq görülüb. 20 yaşlı yarımmüdafiəçi 276 xalla bütün rəqiblərini qabaqlayıb. Onun ən yaxın izləyicisi 120 xalla “Bavariya”nın üzvü Camal Musialadır. İlk üçlüyü “Barselona”nın 19 yaşlı futbolçusu Qavi qapayır.
Qeyd edək ki, Cud Bellingem 2023-cü ilin yayından “Real”ın şərəfini qoruyur. Bu müddət ərzində 21 matçda 17 qola imza atan yarımmüdafiəçi 5 məhsuldar ötürmə müəllifi olub. 2020-ci ildən İngiltərə millisinə də dəvət olunan Bellingem 27 görüşdə 2 qolla yadda qalıb.
Kopyalandı
#Futbol xəbərləri teqi istifadə olunub
Seçilmişlər
