Adrian Mutu 70 günlük macərasını başa vurub

“Neftçi”nin sabiq baş məşqçisi Adrian Mutu cəmi 70 gündür çalışdığı Rumıniyanın ÇFR klubundakı postunu tərk edib.

Belə ki, 45 yaşlı mütəxəssis aprelin 3-ü Rumıniya kubokunda “Korvinul” komandasına 0-4 hesablı məğlubiyyətdən sonra istefa ərizəsini rəhbərliyə təqdim edib.

Qeyd edək ki, ötən il dekabrın 24-ü “Neftçi”dən ayrılan Adrian Mutu bu il yanvarın 24-də ÇFR-ə baş məşqçi təyin edilmişdi. Rumıniya təmsilçisi onun rəhbərliyi ilə keçirdiyi 11 oyunun 5-də qələbə qazanıb, 3-də heç-heçə edib, 3 dəfə isə məğlub olub.