Pleyeri seçin:
Almaniyalı futbolçu Florian Virts yayda bu kluba qoşulacaq
Dünyanın ən istedadlı futbolçularından “Bayer”in üzvü Florian Virts karyerasını “Bavariya”da davam etdirəcək.
Məşhur “Sky Sports” nəşrinin yaydığı məlumata görə, “Real”ın da hədəfində olan 21 yaşlı yarımmüdafiəçi “rekordmayster”ə qoşulmaq qərarına gəlib. F.Virts artıq gələn ilin yayında Münhen klubuna keçmək niyyətindədir.
Bundan başqa, “Bavariya”nın oyunçunun nümayəndələri ilə danışıqlara başladığına dair xəbərlər var.
Qeyd edək ki, “transfermarkt” portalına görə dəyəri təqribən 130 milyon avro olan Florian “Köln” akademiyasının yetirməsidir. Özünəməxsus driblinq və texnikası ilə seçilən futbolçu 2020-ci ildə 200 min avroya Leverkuzen təmsilçisinə qoşulub. Müqaviləsi 2027-ci ilə qədər olan və ötən mövsüm komanda ilə Bundesliqa və ölkə kubokunu qazanan F.Virts 162 matçda 47 qol və 51 assistin müəllifidir.
Kopyalandı
#Bayer FK teqi istifadə olunub
Seçilmişlər
