Pleyeri seçin:
AVRO-2024 | Danimarka - İngiltərə matçında gözlənilməz nəticə qeydə alınıb
Futbol üzrə Avropa çempionatının qrup mərhələsinin II turunda daha bir oyun baş tutub. Turnirin favoritlərindən olan İngiltərə millisi Danimarka ilə üz-üzə gəlib.
Frankfurtda keçirilən görüşdə hesab 18-ci dəqiqədə açılıb. Harri Keyn komandasının ilk qolunun müəllifi olub. Lakin 34-cü dəqiqədə tarazlıq bərpa olunub. Danimarka millisindən Morten Yulmann fərqlənməyi bacarıb. Tərəflər fasiləyə 1-1 hesablı bərabərliklə yollanıb.
İkinci yarıda qapılar önündə təhlükəli vəziyyətlər yaransa da, nəticə dəyişməyib. Danimarka-İngiltərə: 1-1.
Qeyd edək ki, Danimarka millisi növbəti turda Serbiya ilə qarşılaşacaq. İngiltərə millisinin rəqibi isə Sloveniya seçməsi olacaq.
Kopyalandı
#AVRO-2024 teqi istifadə olunub
