İdman
Pleyeri seçin:
AVRO-2024-də bütün 1/4 finalçılar məlum oldu
AVRO-2024-də 1/8 finalın son qarşılaşması Avstriya və Türkiyə milliləri arasında keçirilib.
Leypsiq şəhərində baş tutan matçda hesab artıq ilk dəqiqədə açılıb.
Merih Demiral komandasını irəli çıxarıb. Buraxılan topdan sonra avstriyalı futbolçular bərabərlik üçün səy göstərsələr də, onların hücumları nəticəsiz qalıb. İlk hissə Türkiyə yığmasının xeyrinə bitib.
59-cu dəqiqədə fərq iki topa yüksəlib. Bu dəfə də M.Demiral qapını dəqiq nişan alıb. 67-ci dəqiqədə Mixael Qreqoriç qollardan birinin əvəzini çıxıb. Lakin avstriyalı futbolçuların bundan artığına gücü çatmayıb. Sərfəli nəticəni qoruyan Türkiyə millisi matçdan 2-1 hesablı qələbə ilə ayrılıb.
Beləliklə, Avropa çempionatının 1/4 finalına adlayan “ay-ulduzlular” Niderland yığmasına rəqib olublar. Bu qarşılaşma iyulun 6-da keçiriləcək.
Kopyalandı
Seçilmişlər
