AVRO-2024-də daha 3 matç baş tutacaq

Bu gün AVRO-2024-ün II turunda daha 3 matç keçiriləcək.

Əvvəlcə C qrupu çərçivəsində Sloveniya və Serbiya milliləri qarşılaşacaq. “Alyans Arena”da baş tutacaq görüş Bakı vaxtı ilə saat 17:00-da start götürəcək. Oyunun baş hakimi isə rumıniyalı İştvan Kovaç olacaq.

Saat 20:00-da isə bu qrupun digər komandaları İngiltərə və Danimarka seçmələri üz-üzə gələcək. Frankfurtda keçiriləcək matçı Artur Diaşın başçılıq etdiyi portuqaliyalı hakimlər briqadası idarə edəcək.

Qeyd edək ki, ilk turdan sonra C qrupuna 3 xalı olan İngiltərə yığması başçılıq edir. Hərəyə 1 xal toplayan Danimarka və Sloveniya kollektivləri 2-ci və 3-cü pillələrdə, xalsız qalan Serbiya isə sonuncu yerdədir.

AVRO-2024-ün növbəti yarış gününə turnirin favoritləri arasında göstərilən İspaniya və İtaliya millilərinin oyunu ilə yekun vurulacaq. İlk turda müvafiq olaraq Xorvatiya və Albaniyanı məğlub edən komandaların matçı Helzenkirxendəki “Feltins Arena”da keçiriləcək. B qrupu çərçivəsində saat 23:00-da başlayacaq görüşün baş hakimi isə sloveniyalı Slavko Vinçiç olacaq.