AVRO-2024-də daha 3 matç baş tutacaq

Bu gün AVRO-2024-ün qrup mərhələsində daha 3 görüş baş tutacaq.

Əvvəlcə E qrupu çərçivəsində Bakı vaxtı ilə saat 17:00-da Slovakiya və Ukrayna yığmaları qarşılaşacaq. Düsseldorf şəhərində keçiriləcək bu oyunu ingiltərəli Maykl Oliver idarə edəcək.

Digər matçda D qrupunun komandaları münasibətlərə aydınlıq gətirəcək. 1-ci turda müvafiq olaraq Niderland və Fransaya uduzan Polşa və Avstriya milliləri Berlinin “Olimpiyaştadion” arenasında üz-üzə gələcəklər. Saat 20:00-da başlayacaq qarşılaşmanın baş hakimi isə türkiyəli Halil Umut Meler olacaq.

Günün son oyunu isə bu qrupun digər komandaları, yarışın favoritləri arasında göstərilən Niderland və Fransa seçmələri arasında baş tutacaq. Leypsiq şəhərində keçiriləcək matçın start fiti saat 23:00-da veriləcək. Görüşdə ədalət prinsiplərini isə ingiltərəli Entoni Teylor qoruyacaq.