AVRO-2024: İngiltərə millisi İtaliya yığmasını qəbul edib

AVRO-2024-ün seçmə mərhələsində növbəti oyunlar olub.

C qrupunda yer alan İngiltərə millisi “Uembli” arenasında İtaliya yığması ilə üz-üzə gəlib. 4 qolun vurulduğu görüş meydan sahiblərinin qələbəsi ilə bitib. Hərçənd ki, hesabı qonaqlar açıblar.

15-ci dəqiqədə Canluka Skamakka “Skuadra Adzurra”nı irəli çıxarıb. Lakin dubl edən Harri Keynlə yanaşı, Markus Reşfordun dəqiq zərbəsi britaniyalılara qələbə qazandırıb. Bu nəticədən sonra 16 xalla C qrupunun lideri olan İngiltərə millisi AVRO-2024-ün final mərhələsinə vəsiqəni təmin edib. 10 xalı olan İtaliya yığması isə 3-cü pillədədir.

Seçmə mərhələdə inamlı təsir bağışlayan Qazaxıstan kollektivi növbəti qalibiyyətə sevinib. Helsinki şəhərində Finlandiya futbolçularının qonağı olan komanda 28-ci dəqiqədə hesabda geriyə düşsə də, fasilədən sonra Baxtiyor Zaynutdinovun dublu sayəsində qələbə qazanıblar. 8 turdan sonra 15 xalı olan Qazaxıstan seçməsi hazırda H qrupunda 3-cü pillədədir. 3 xal az toplayan Finlandiya isə 4-cüdür.