AVRO-2024: İngiltərə - Slovakiya matçında 3 qol vurulub

01 iyul 2024

AVRO-2024-də 1/8 final mərhələsinin daha bir matçı keçirilib.

Helzenkirxen şəhərində baş tutan oyunda İngiltərə və Slovakiya milliləri qarşılaşıb.

Hesab 25-ci dəqiqədə açılıb. İvan Şrants britaniyalıların qapısına yol tapıb. Fasiləyə tərəflər slovakiyalıların minimal üstünlüyü ilə yollanıblar.

2-ci yarıda İngiltərə yığması sürəti artırıb. 50-ci dəqiqədə Fil Foden rəqibin qapısına yol tapsa da, ofsayd səbəbindən qol qeydə alınmayıb.

İngiltərə kollektivinin hücumları yalnız matçın sonlarında nəticə verib. Cud Bellingem akrobatik zərbə ilə tarazlığı bərpa edib: 1-1.

Əsas vaxt bu hesabla bitdiyi üçün əlavə 30 dəqiqə oynanılıb. Burada isə Harri Keyn komandasını irəli çıxarıb: 2-1. Bundan sonra sərfəli nəticəni qoruyan baş məşqçi Qaret Sautqeytin komandası 1/4 finala vəsiqə qazanıb.

Növbəti mərhələdə İngiltərə seçməsinin rəqibi İsveçrə millisi olacaq. Düsseldorf şəhərində təşkil olunacaq görüş iyulun 6-da keçiriləcək.

#AVRO-2024