İdman
Pleyeri seçin:
AVRO-2024 | Portuqaliya - Çexiya matçı
Futbol üzrə Avropa çempionatının ilk turuna Portuqaliya-Çexiya matçı ilə yekun vurulub.
F qrupunda yer alan kollektivlər “Red Bull” arenada üz-üzə gəliblər. İlk hissədə qapılar önündə qol vəziyyətləri yaransa da, hesab açılmayıb. İkinci yarıda isə çexlər gözlənilmədən Portuqaliya yığmasının qapısına yol tapıblar.
62-ci dəqiqədə Lukaş Povod fərqlənməyi bacarıb. 7 dəqiqə sonra Robin Hranak avtoqol müəllifi olub və hesab bərabərləşib. Lakin portuqallar ilk oyunda qələbəni əldən verməyiblər. Görüşün əsas vaxtına əlavə olunan dəqiqələrdə Fransisko Konseysan qarşılaşmada son nöqtəni qoyub. Portuqaliya – Çexiya: 2-1.
Qeyd edək ki, Portuqaliya yığması ikinci turda Türkiyə millisi ilə qarşılaşacaq. Çexiya seçməsi isə Gürcüstanla münasibətlərə aydınlıq gətirəcək.
Kopyalandı
Seçilmişlər
