Pleyeri seçin:
AVRO-2024: Portuqaliya və Niderland millilərindən növbəti qələbələr
AVRO-2024-ün seçmə mərhələsində J qrupunun lideri olan Portuqaliya millisi bu dəfə Bosniya və Herseqovina yığmasının qonağı olub.
Zenitsa şəhərindəki matçda pireneylilər rəqibin qapısından 5 cavabsız top keçiriblər. Qonaqlardan Kriştiano Ronaldo dubl edib. Digər qollar Brunu Fernandeş, Joao Kanselo və Joao Felişin aktivindədir.
8 turdan sonra maksimum nəticəyə imza atan Portuqaliya seçməsi qrup lideridir. 9 xalı olan Bosniya və Herseqovina komandası isə 5-cidir.
B qrupunda qərarlaşan Niderland millisi də turu qələbə ilə başa vurub. Afinada Yunanıstan futbolçuları ilə üz-üzə gələn “narıncılar” 3 xalı 1 qolla qazanıb.
Əsas vaxta artırılan dəqiqələrdə Vircil van Deyk 11 metrlik cərimə zərbəsindən fərqlənib. 12 xalı olan Niderland yığması Yunanıstan kollektivi ilə bərabərləşərək 2-ci, 3-cü yerləri bölüşdürür. Qrupa 18 xalla Fransa komandası başçılıq edir.
Kopyalandı
#AVRO-2024 teqi istifadə olunub
Seçilmişlər
