AVRO-2024 | Sloveniya - Danimarka matçı

Avropa çempionatının qrup mərhələsinin I turunda daha bir matç keçirilib.

C qrupu çərçivəsində Sloveniya və Danimarka yığmaları qarşılaşıblar. Ştutqartda keçirilən görüşdə qalib müəyyənləşməyib.

Oyunda hesabı danimarkalılar açıblar. 17-ci dəqiqədə Kristian Eriksen azarkeşləri sevindirib. İlk hissə bu hesabla yekunlaşıb.

Lakin ikinci yarıda sloveniyalılar tarazlığı bərpa etməyi bacarıblar. 77-ci dəqiqədə Erik Yanja bərabərlik qolunun müəllifi olub. Bundan sonra qapılar önündə qol vəziyyətləri yaransa da, nəticə dəyişməyib. Sloveniya-Danimarka: 1-1.

Qeyd edək ki, Sloveniya millisi 2-ci turda Serbiya ilə qarşılaşacaq. Danimarka seçməsi isə İngiltərə ilə üz-üzə gələcək.