İdman
Pleyeri seçin:
AVRO-2024: Türkiyə - Portuqaliya matçında 3 qol vurulub
AVRO-2024-ün F qrupunda 2-ci turun son oyunu Türkiyə və Portuqaliya milliləri arasında keçirilib.
Dortmunddakı “Siqnal İduna Park”da baş tutan matçda hesab 21-ci dəqiqədə açılıb. Bernardu Silva Portuqaliya komandasını irəli çıxarıb. 28-ci dəqiqədə fərq 2-yə yüksəlib. “Ay-ulduzlular”ın heyətində Samet Akaydın avtoqol müəllifi olub.
Buraxılan topdan sonra Türkiyə futbolçuları fəallaşsa da, fasiləyədək qol vura bilməyiblər. 56-cı dəqiqədə pireneylilər 3-cü topu rəqibin qapısından keçiriblər. Bu dəfə Brunu Fernandeş hədəfi dəqiq nişan alıb. Qalan vaxtda yenə qol vəziyyətləri yaransa da, hesab dəyişməyib.
3-0 hesablı qələbə qazanaraq xallarının sayını 6-ya çatdıran Portuqaliya kollektivi pley-offa vəsiqəni təmin edib. Qeyd edək ki, Türkiyə millisi sonuncu turda Çexiya yığması ilə qarşılaşacaq. Portuqaliya seçməsinin rəqibi isə Gürcüstan komandası olacaq. Hər iki oyun iyunun 26-sı keçiriləcək.
Kopyalandı
Seçilmişlər
