Pleyeri seçin:
Avropanın aparıcı liqalarında kubok matçları olub
Xəbərlərimizi Google-da izləyin
Yeniliklərdən dərhal xəbərdar olun
İngiltərə Premyer liqasında işləri yaxşı getməyən “Çelsi” ölkə kubokunda 1/16 final mərhələsində “Aston Villa” ilə üz-üzə gəlib.
“Villa Park” stadionunda keçirilən qarşılaşmada 4 qol vurulub. Fasiləyə Qallaxer və Ceksonun topları ilə 2-0 hesabı ilə irəlidə yollanan “zadəganlar” 54-cü dəqiqədə Fernandesin qolu ilə fərqi 3 topa çatdırıblar. Meydan sahiblərinin gücü isə ancaq Diabinin təsəlli qoluna çatıb. “Aston Villa” – “Çelsi”: 1-3.
İspaniya kubokunda yarımfinal mərhələsinin görüşləri keçirilir. İlk oyunda “Atletik Bilbao”nu qəbul edən Madrid “Atletiko”su 0-1 hesabı ilə məğlub olub. Matçın taleyini Berengerin 11 metrlik cərimə zərbəsindən vurduğu qol həll edib. Bu komandalar arasında cavab qarşılaşması martın 1-i Bilbaoda olacaq.
Fransa kubokunda 1/8 final mərhələsinin görüşündə “Brest”i qəbul edən PSJ çətinlik çəkmədən qələbə qazanıb. “Park de Prens”də baş tutan oyunda parislilər Mbappe, Pereyra və Ramuşun topları ilə 3-1 hesabı ilə güclü olublar.
Türkiyə çempionatında qızıl medalları hədəfləyən “Fənərbağça” kubokda da yoluna davam edir. “Qaziantep”in qonağı olan İstanbul nəhəngi Batşuayinin dublu ilə 2-0 hesabı ilə qalib gələrək 1/4 finala adlayıb.
Kopyalandı
Seçilmişlər
