Konfrans Liqasında finalın iştirakçıları müəyyənləşib

10 may 2024 112 baxış

UEFA Konfrans liqasında finalın 2-ci iştirakçısı müəyyənləşib.

Yarımfinalın ilk matçında “Aston Villa”nı məğlub edən “Olimpiakos” rəqibini öz meydanında qəbul edib.

Pirey şəhərinin “Georgios Karaiskakis” stadionunda keçirilən oyunda hesab 10-cu dəqiqədə açılıb. İlk görüşün qəhrəmanı Ayub El-Kaabi fərqlənib. 1-ci hissədə başqa qol olmayıb.

Fasilədən sonra birmingemlilərin bərabərlik cəhdləri nəticəsiz qalıb. 78-ci dəqiqədə isə El-Kaabi 2-ci topu İngiltərə klubunun qapısına göndərib. Qarşılaşmada başqa qol olmayıb və iki görüşün yekununda 6-2 hesabı ilə güclü olan Yunanıstan təmsilçisi tarixində ilk dəfə avrokubokun finalına yüksəlib.

Qeyd edək ki, “Olimpiakos”un həlledici oyundakı rəqibi “Fiorentina” olacaq. Yarışın qalibini müəyyənləşdirəcək görüş Afina şəhərində keçiriləcək. “Aya Sofiya” stadionunda təşkil olunacaq qarşılaşma mayın 29-u baş tutacaq.

#UEFA Konfrans liqası