Pleyeri seçin:
Azərbaycanlı qrosmeyster şahmat tacı uğrunda mübarizə aparacaq
Ölkəmizin məşhur qrosmeysterlərindən Nicat Abasov şahmat tacı uğrunda mübarizəyə qoşulub.
Buna səbəb dünya kubokunun son qalibi Maqnus Karlsenin turnirə qatılmayacağı ilə bağlı FIDE-yə rəsmi məktub ünvanlamasıdır.
Belə olan halda FIDE yarışda iştirak hüququnu dünya kubokunda 4-cü yeri tutan Nicat Abasova verib. Bununla da, 28 yaşlı şahmatçımız karyerasında ilk dəfə İddiaçılar Turnirində iştirak edəcək.
Qeyd edək ki, bu yarışda Nicat Abasovla yanaşı, ABŞ təmsilçiləri – Fabiano Karuana və Hikaru Nakamura, Hindistan nümayəndələri – Rameşbabu Praqnanandxa, Vidit Santoş Qucrati və Qukeş Dommaradju, fransalı Alireza Firuzca və rusiyalı Yan Nepomnyaşi qüvvəsini sınayacaq. İddiaçılar turnirində qalib gələn qrosmeyster şahmat tacı uğrunda mübarizədə dünya çempionu çinli Din Lirenlə üz-üzə gələcək.
Kopyalandı
