Pleyeri seçin:
Şahmatçımız Nicat Abasov Dünya Kubokunun yarımfinalına yüksəlib
Şahmatçımız Nicat Abasov Bakıda keçirilən Dünya Kubokunda tarixi uğura imza ataraq yarımfinala vəsiqə qazanıb.
1/4 finalda hindistanlı Vidit Santoş Qucrati ilə qarşılaşan Nicat ilk görüşdə heç-heçəyə razılaşıb. 2-ci partiyada isə idmançımız rəqibini məğlub edərək növbəti mərhələyə yüksəlib.
28 yaşlı qrosmeyster bu etapda sabiq dünya çempionu Maqnus Karlsenlə üz-üzə gələcək. Avqustun 19-u baş tutacaq ilk görüşdə Nicat qara fiqurlarla, növbəti gün isə ağ fiqurlarla oynayacaq.
Qeyd edək ki, turnirin qaydalarına əsasən, şahmatçılar əvvəlcə iki klassik partiyada qüvvələrini sınayır. Bu görüşlərdən sonra qalib müəyyənləşməsə tay-brek oynanılır.
Kopyalandı
#Nicat Abasov teqi istifadə olunub
Seçilmişlər
