Bakıda keçirilən Atıcılıq üzrə Dünya Çempionatı sona yaxınlaşır

Bakıda keçirilən atıcılıq üzrə dünya çempionatının bitməsinə sayılı günlər qalıb. Atıcılıq Federasiyasının baş katibi Emin Cəfərov yarışın yekunları ilə bağlı fikirlərini bölüşüb.

Emin Cəfərov Milli komandamızın dünya çempionatındakı çıxışının uğurlu olduğunu vurğulayıb.

“Komanda olaraq 3 medal qazandıq. Dünya çempionatlarındakı sonuncu qızıl medalımızı 2001-ci ildə Qahirədə keçirilən yarışda Zemfira Meftahətdinova qazanmışdı. Gənclər arasında dünya çempionatında da 2 medalımız var. Ümumilikdə bu il 5 medal qazanmışıq”, – deyə o əlavə edib.

Qeyd edək ki, Bakıda keçirilən atıcılıq üzrə dünya çempionatında 101 ölkədən 1239 idmançı mübarizə aparır. Yarışa sentyabrın 1-i yekun vurulacaq.