“Barselona” yenə azarkeşlərini məyus etdi

İspaniya Kubokunda yarımfinalın daha bir iştirakçısı müəyyənləşib.

“San-Mames” stadionunda keçirilən görüşdə “Atletik Bilbao” komandası “Barselona”nı qəbul edib.

Meydan sahibləri Qorka Qurusetanın qolu ilə artıq 1-ci dəqiqədə hesabı açsa da, fasiləyədək Robert Levandovski və Lamin Yamal “blauqrana”nı irəli çıxarıb: 2-1.

2-ci yarının əvvəlində Oyan Sanset Bilbao klubunun bərabərlik qolunu vurub: 2-2. Əsas vaxt bu hesabla yekunlaşdığı üçün əlavə 30 dəqiqə oynanılıb. Burada isə Uilyams qardaşları – Niko və İnyaki hərəyə 1 dəfə fərqlənərək “Atletik”ə 4-2 hesablı qələbə qazandırıblar.