Pleyeri seçin:
Bu gün AVRO-2024-də 1/4 finalın daha iki iştirakçısı müəyyənləşəcək
Bu gün Avropa çempionatının 1/8 final mərhələsində növbəti oyunlar keçiriləcək.
Günün ilk matçında Fransa millisi Belçika ilə üz-üzə gələcək. Düsseldorfda baş tutacaq görüşə Bakı vaxtı ilə saat 20:00-da start veriləcək. Oyunun baş hakimi isə isveçli Qlenn Nüberq olacaq.
Digər qarşılaşmada Portuqaliya yığması Sloveniya seçməsini sınağa çəkəcək. Frankfurtda təşkil olunacaq oyun saat 23:00-da başlayacaq. Görüşdə ədalət prinsiplərini Daniele Orsatonun başçılıq etdiyi italiyalı hakimlər briqadası qoruyacaq.
Qeyd edək ki, artıq 1/4 finalın bəzi cütləri məlumdur. Belə ki, iyulun 5-i keçiriləcək ilk oyunda İspaniya millisi Almaniya ilə qarşılaşacaq. Ştutqartda keçiriləcək matça Bakı vaxtı ilə saat 20:00-da start veriləcək. İyulun 6-da isə İngiltərə yığması İsveçrə ilə üz-üzə gələcək. Bu qarşılaşmanın da start fiti saat 20:00-da veriləcək.
Kopyalandı
#AVRO-2024 teqi istifadə olunub
Seçilmişlər
